A aplicación oficial Fitness Pazo é unha ferramenta que permite acceder de forma rápida, cómoda e directa a boa parte das funcionalidades da instalación deportiva.

A través da aplicación, os usuarios poden consultar horarios, reservar actividades e espazos deportivos, acceder á información das súas inscricións e manterse ao día de todas as novidades relacionadas coa actividade do Pazo. O obxectivo é facilitar a xestión diaria e ofrecer un servizo máis áxil e adaptado ás necesidades actuais.

A nova páxina web incorpora ademais un acceso directo á descarga da App tanto para dispositivos Android como iOS, permitindo que calquera persoa poida comezar a utilizala de maneira sinxela desde a sección específica habilitada no portal.

Esta aposta pola dixitalización forma parte do compromiso do Pazo Paco Paz coa innovación e a mellora continua dos servizos, ofrecendo ferramentas que favorecen unha relación máis próxima e eficiente cos usuarios e usuarias da instalación.

A App Fitness Pazo convértese así nun complemento fundamental para o día a día da actividade deportiva, reunindo nun único espazo toda a información necesaria para desfrutar dos servizos do recinto con maior comodidade.