Preguntas frecuentes

Cal é o horario xeral do Pazo dos Deportes?

De luns a venres, de 06:45 a 23:00 horas.

Os sábados, de 09:00 a 13:00 horas.

O Pazo abre durante fins de semana e festivos?

Non. Os domingos e festivos as instalacións permanecen pechadas.

Cando pecha por mantemento ou vacacións?

O Pazo pecha durante o mes de agosto por tarefas de mantemento.

Como podo acceder ás instalacións? Precísase carné ou código QR?

Para acceder é necesario ser abonado. O acceso realízase mediante sistema de recoñecemento facial.

Hai aparcadoiro dispoñible para usuarios e visitantes?

Non existe un aparcadoiro exclusivo, pero a contorna conta con facilidade de estacionamento.

Que tipos de abono existen e que vantaxes ofrecen?

Pode consultar as diferentes modalidades de abono e as súas condicións no apartado de tarifas.

Como podo facerme socio?

Pode realizar a alta en liña ou presencialmente na recepción do Pazo.

Podo inscribirme ou renovar o abono en liña?

Si, ambas xestións poden realizarse a través da plataforma en liña.

É posible probar unha actividade antes de abonarse?

Non, actualmente non se ofrecen probas previas.

Hai tarifas reducidas para estudantes, maiores ou familias?

Si, existen tarifas bonificadas para distintos colectivos.

Como me inscribo nas escolas deportivas ou nas clases dirixidas?

A inscrición pode realizarse na recepción do Pazo ou a través da plataforma en liña.

As actividades teñen prazas limitadas?

Si. As escolas deportivas teñen prazas limitadas, así como algunhas actividades dirixidas.

É preciso reservar previamente para usar a sala fitness?

Non, o acceso á sala fitness é libre para os abonados.

Cales son as normas básicas de uso da sala fitness e das salas polivalentes?

• Uso obrigatorio de toalla.
• Non está permitido o uso de calzado da rúa.

Que clubs adestran habitualmente no Pazo?

Entre outros, desenvolven a súa actividade nas instalacións:

• Academia Futsal
• Academia San Mamede Tenis de Mesa
• Burgas Básquet
• Canteira e Base Club Ourense Baloncesto
• CD Rúa Breaking / Hip Hop Dance
• Cidade As Burgas FS
• Club Baloncesto Valenzá
• Club Marusia Ourense
• Club Voleibol Ourense
• Club Ximnasia Burgas
• EDO Blanco Amor
• Fundación Cipri Gómez
• Imprenta Club Baloncesto
• Sala Ourense 2014
• Xuventude Ourense FS

Como podo reservar unha pista ou espazo deportivo?

Debe presentar unha solicitude a través do rexistro da Deputación, tras contactar previamente co Pazo para dispoñibilidade de datas.

Pódense facer reservas a través da web ou da app oficial?

Non, actualmente este servizo non está dispoñible en liña.

Con que antelación debo facer a reserva?

As reservas poden solicitarse cunha antelación máxima de 3 meses.

Podo cancelar ou modificar unha reserva xa feita?

Si, é posible realizar modificacións ou cancelacións.

As instalacións pódense alugar para eventos externos ou competicións?

Si, previa solicitude e autorización.

Que servizos de fisioterapia ofrece o Pazo?

O Pazo dispón de servizo de fisioterapia xeral.

O spa está aberto a todos os usuarios ou só a abonados?

O acceso ao spa está aberto a todos os usuarios.

A ludoteca ten horario fixo? É necesario reservar praza?

A ludoteca funciona de 16:00 a 21:00 horas e non é preciso reservar praza.

Hai servizos de vestiarios e duchas incluídos no abono?

Si, o uso de vestiarios e duchas está incluído.

Dispón o Pazo de servizo de cafetería ou vending?

Si, conta con servizo de cafetería e máquinas de vending.

Onde podo consultar o calendario de eventos e competicións?

Toda a información está dispoñible na web oficial do Pazo.

É preciso comprar entrada para asistir aos concertos ou torneos?

Dependerá das condicións establecidas polo organizador de cada evento.

Como poden os clubs solicitar o uso das instalacións para organizar eventos?

Mediante solicitude a través do rexistro oficial.

Que funcións ofrece a app oficial do Pazo?

Permite realizar reservas de actividades e xestionar pagamentos.

Onde podo descargar a app?

A app oficial está dispoñible para descarga na App Store e en Google Play

Como podo contactar coa oficina de atención ao público?

No teléfono 988 317 900.

Onde podo presentar suxestións ou incidencias?

Pode facelo directamente na recepción do Pazo.

Que normas de uso debo respectar nas instalacións deportivas?

A normativa completa está publicada no BOP do 11 de maio de 2023.

Está permitido o acceso con acompañantes?

Só nos casos en que sexa necesario.

Que debo facer en caso de accidente ou emerxencia dentro do Pazo?

Debe dirixirse inmediatamente ao persoal de recepción.