O Pazo dos Deportes Paco Paz dá un novo paso na súa aposta pola modernización e a mellora da atención ás persoas usuarias coa posta en marcha da súa nova páxina web, unha ferramenta renovada que nace co obxectivo de ofrecer unha experiencia máis completa, intuitiva e accesible para toda a comunidade deportiva.

O novo portal presenta unha estrutura máis clara e funcional, permitindo acceder de forma rápida á información sobre instalacións, actividades, servizos, eventos e actualidade do recinto. A nova web incorpora ademais espazos específicos para consultar a programación diaria, a axenda de competicións e actividades especiais, así como información detallada sobre os diferentes servizos dispoñibles para usuarios, clubs e visitantes.

Esta renovación responde ao compromiso da Deputación de Ourense por ofrecer ferramentas de comunicación modernas e útiles, adaptadas ás necesidades actuais dos usuarios e ao dinamismo dunha instalación que cada ano acolle centos de actividades deportivas, sociais e de lecer.

Co lanzamento desta nova web, o Pazo Paco Paz continúa avanzando cara a un modelo de instalación deportiva máis próxima, conectada e accesible, reforzando o seu papel como un dos principais centros de referencia do deporte ourensán e galego.